A vindeira semana vai comezar un novo curso
escolar. Será o noso segundo curso, ou iso esperamos, levando adiante a
actividade de teatro. Onte pola tarde, no acto de benvida ós nov@s alumn@s,
fixemos dúas actuacións dun dos sckechts da obra do curso pasado. Unha delas
tivo como público asistente @s propi@s nen@s e a outra ás nais e pais que
viñeron o centro.
Quedamos satisfeitos do resultado acadado,
aínda que pensamos que, tal vez polo contido do sckechts, tivo mellor acollida a
representación dos maiores. Quero agradecer a presenza dos actores e actrices
que fixeron posible a representación, xa que perderon unha tarde de vacacións
(e unha das derradeiras, que son as que máis doe perder) para que poideramos
presentar a actividade @s nov@s alumn@s do instituto, confiando en que eles sexan
o futuro deste aula teatral. Elas e eles
foron: María, Alejandra, Borja, Miguel Ángel e Iria (que fixo o seu debut no instituto
como actriz). Tamén agradecerlle a don Luis que siga contando con nós para este
tipo de actos.
Cara ó curso que ven, non haberá novidades nin
en horarios (martes de 15,30 a 17,30), nin en prezo. Para máis información, o
vindeiro martes, 18 de setembro, ás 16,30, teremos a xuntanza informativa da
actividade.
E para rematar esta primeira entrada do ano,
lembrar que o ano pasado fixemos SETE representacións, e que o ranking (estas
cousas a min encántanme) é o seguinte:
Con 7 representacións: BORJA, MARÍA e MIGUEL
ÁNGEL (orde alfabético, para que non haxa dúbidas).
Con 5 representacións: CARLA, ELENA, JAVIER e PALOMA.
Con 4 representacións: ALEJANDRA.
Con 2 representacións: ALBA e IRIA.
Con 1 representación: IRENE.
Nada máis. @s nov@s animádeos a facer teatro.
Os veteranos, seguide ensinándome cousas. Moitas grazas a tod@s.